ორშაბათი -პარასკევი- 10:00 - 18:00



ვებგვერდი დაფინანსდა ევროკავშირისა და ავსტრიის განვითარების თანამშრომლობის მიერ პროექტის       „სოციალურ მუშაკთა თანამშრომლობა სოციალური განვითარებისათვის აღმოსავლეთ ევროპის ქვეყნებში“ ფარგლებში, რომელიც ხორციელდება Hilfswerk Austria International-თან ერთად

საქართველოს სოციალურ მუშაკთა ასოციაციამ ბავშვთა მიმართ ძალადობისგან დაცვისა და რეფერირების საკითხებში აჭარის მუნიციპალიტეტების წარმომადგენელთა გადამზადება დაიწყო.  თითოეულ მუნიციპალიტეტში 4 დღიანი ტრენინგი ორ ეტაპად მიმდინარეობს.
პროექტი აჭარის რეგიონის 6-ვე მუნიციპალიტეტში გაეროს ბავშვთა ფონდის მხარდაჭერით მიმდინარეობს. ტრენინგების გარდა, პროექტის ფარგლებში მოეწყობა მრგვალი მაგიდის შეხვედრებიც თითოეულ მუნიციპალიტეტში ბავშვთა სფეროში ჩართულ პროფესიონალთა შორის. ასევე, გაიმართება სამუშაო შეხვედრა რეფერირების პროცესში მუნიციპალიტეტის წარმომადგენელთა სამოქმედო ინსტრუქციის შემუშავების მიზნით.  

10 იანვარს საქართველოს სოციალურ მუშაკთა ასოციაციაში სოციალურ მუშაკთა კლუბის პირველი შეხვედრა გაიმართება.  კლუბი დაარსდა 2016 წლის ოქტომბერში. კლუბის ადმინისტრაციის მხრიდან (თეონა გვალია, რეზო ხვედელიძე, სალომე დანელია) შეხვედრაზე წარდგენილი იქნება სტატია, რომელშიც    განხილულია მოტივაციური სოციალური მუშაობა, განსაკუთრებით, ბავშვებთან და რეზისტენტულ მშობლებთან მუშაობისას. 

16  დეკემბერს სასტუმრო ,,ჰოლიდეი ინ თბილისი“-ში  ჩეხეთის რესპუბლიკის კარიტასის და მისი პარტნიორი ორგანიზაციების - საქართველოს სოციალურ მუშაკთა ასოციაციის, საქართველოს ბიოეთიკის საზოგადოებისა და საქართველოს ოჯახის ექიმთა ასოციაციის თაოსნობით  პროექტის ,,შშმ პირთათვის სამედიცინო და სოციალურ მომსახურეობებზე ხელმისაწვდომობის გაზრდა“ ფარგლებში გაიმართება მრგვალი მაგიდა თემაზე: ,,პირველადი ჯანდაცვისა და სოციალური მუშაობის როლი შშმ პირთა ჯანდაცვის უფლებების რეალიზებაში“.

14 დეკემბერს სასტუმროში თბილისი მარიოტში გაიმართება პროექტის “შშმ ახალგაზრდების სოციალური ინკლუზიის ხელშეწყობა“ შემაჯამებელი კონფერენცია, რომლის ძირითად მიზანს წარმოადგენს სკოლის სოციალური მუშაობისა და ახალგაზრდული მუშაობის კონცეფციების წარდგენა. პროექტი ხორციელდება საქართველოს სოციალურ მუშაკთა ასოციაციის მიერ ჩეხურ საერთაშორისო არასამთავრობო ორგანიზაციასთან „ადამიანი გაჭირვებაში“ თანამშრომლობით და ჩეხეთის განვითარების სააგენტოს ფინანსური მხარდაჭერით.

ადამიანის უფლებების საერთაშორისო დღის დღის აღსანიშნავად საქართველოს სოციალურ მუშაკთა ასოციაციაში გაიმართება შეხვედრა სხვადასხვა სკოლის წარმომადგენელ მოსწავლეებთან თემაზე: „უფლებები და ვალდებულებები“. შეხვედრას გაუძღვებიან ორგანიზაციის თანამშრომლები და წევრები. ისინი მოსწავლეებს წარუდგენენ თემებს ადამიანის უფლებებზე და ვალდებულებებზე, ადამიანის უფლებების დარღვევაზე და ა.შ. მოსწავლეებზე ჩაერთვებიან სხვადასხვა საინტერესო აქტივობებში.
Page 1 of 5