Join Us on FACEBOOK

ანონსი

ვებინარი: ფსიქიკური ჯანმრთელობისა და ადიქციის პოლიტიკა: როგორ ფინანსდება ზემოაღნიშნული სერვისები

საქართველოს სოციალურ მუშაკთა ასოციაცია წევრებისთვის მართავს ვებინარს თემაზე „ფსიქიკური ჯანმრთელობისა და ადიქციის პოლიტიკა: როგორ ფინანსდება ზემოაღნიშნული სერვისები“.

ვებინარს გაუძღვება გიორგი მინასოვი. გიორგის აქვს მრავალწლიანი სამუშაო  გამოცდილება აღნიშნული მიმართულებით და ფლობს ექსპერტიზას. მიღებული აქვს აკადემიური განათლება, როგორც საქართველოში ასევე ქვეყნის ფარგლებს გარეთ. გიორგი 2014 წლიდან მუშაობდა შპს „ქ. თბილისის ფსიქიკური ჯანმრთელობის ცენტრის“ სტაციონარულ განყოფილებაში ფსიქიატრიული სოციალური მუშაკის თანამდებობაზე. 2015-2017 წლებში მუშაობდა ევროპის საბჭოს საქართველოს ოფისში ადამიანის უფლებათა ტრენერად ფსიქიკური ჯანმრთელობის მიმართულებით. 2017-2018 წლებში სწავლობდა მსოფლიო ჯანდაცვის ორგანიზაციისა და ინდოეთის იურისტთა საზოგადოების საერთაშორისო ერთწლიან პროგრამაზე „ფსიქიკური ჯანმრთელობა და ადამიანის უფლებები.“ 2020 წელს სწავლობდა ნიუ-იორკის კოლუმბიის უნივერსიტეტის საზაფხულო სკოლაში საზოგადოებრივი ჯანდაცვის მიმართულებით. 2021-2022 წლებში ჰიუბერტ ჰამფრის პროგრამით სწავლობდა ვირჯინიის სახელმწიფო უნივერსიტეტში (Virginia Commonwealth University / VCU) საზოგადოებრივი ჯანდაცვის ფაკულტეტზე ადიქციის პოლიტიკისა და კვლევების კუთხით. ამჟამად გიორგი აგრძელებს პრაქტიკას ჰაუარდის უნივერსიტეტის ფსიქიატრიისა და ბიჰევიორული განყოფილების სტაციონარულ და ამბულატორიულ განყოფილებებში კლინიკური სოციალური მუშაობის კუთხით. 

ვებინარი გაიმართება 19 ოქტომბერს 17:00 საათზე. 

ვებინარზე დასასწრებად შეავსეთ სარეგისტრაციო ფორმა.  შეხვედრა გაიმართება Zoom-ის პლატფორმაზე. შეხვედრის ლინკი გადმოგეგზავნებათ 19 ოქტომბერს, შეხვედრის დაწყებამდე რამდენიმე საათით ადრე.

რეგისტრაციის ბოლო ვადაა: 19 ოქტომბერი, 12:00 საათი. 

თვითზრუნვის პლატფორმის მორიგი შეხვედრა

21 სექტემბერს დაგეგმილი თვითზრუნვის პლატფორმის მთავარ მიზანს წარმოადგენს წევრების შეკრება და მათთვის სასაუბრო სივრცის დათმობა, ერთმანეთის წუხილებისა თუ წარმატებების, მიმდინარე სიახლეებისა და ფიქრების გაცნობა-გაზიარება, ასევე, გადაწვის პრევენცია, განტვირთვა და დროის სასიამოვნოდ გატარება მონატრებულ კოლეგებთან ერთად.

გთხოვთ, გაითვალისწინოთ, რომ შეხვედრა გაიმართება პირისპირ რეჟიმში, საქართველოს სოციალურ მუშაკთა ასოციაციის ოფისში და აქედან გამომდინარე ადგილები არის შეზღუდული, შესაბამისად, პირველ 15  რეგისტრირებულ მონაწილეს ექნება შესაძლებლობა დაესწროს თვითზრუნვის პლატფორმის შეხვედრას. 

შეხვედრის თარიღი: 21 სექტემბერი, 2022, 18:00 – 20:00 სთ.

შეხვედრაზე დასასწრებად შეავსეთ სარეგისტრაციო ფორმა

რეგისტრაციის ბოლო ვადა: 19 სექტემბერი, 2022, 18:00 სთ